Тапсырманы экспорттау

Kaspersky Security Center бағдарламасы тапсырманы және оның параметрлерін KLT файлына сақтауға мүмкіндік береді. Сақталған тапсырманы Kaspersky Security Center Windows, сондай-ақ Kaspersky Security Center Linux жүйелерінде импорттау үшін KLT файлын пайдалануға болады.

Тапсырманы экспорттау үшін:

1. Бағдарламаның негізгі терезесінде Құрылғылар → Тапсырмалар бөліміне өтіңіз.
2. Экспорттағыңыз келетін тапсырманың жанына жалаушаны қойыңыз.

   Бір уақытта бірнеше тапсырманы экспорттауға болмайды. Бірнеше тапсырманы таңдайтын болсаңыз, Экспорттау түймесі белсенді емес болады. Басқару серверінің тапсырмалары да экспорттау үшін қолжетімді емес.

3. Экспорттау түймесін басыңыз.
4. Ашылған Басқаша сақтау терезесінде тапсырма файлының атауы мен жолын көрсетіңіз. Сақтау түймесін басыңыз.

   Басқаша сақтау терезесі Google Chrome, Microsoft Edge немесе Opera қолдансаңыз ғана көрсетіледі. Басқа браузерді қолданып жатсаңыз, тапсырма файлға автоматты түрде Жүктеп алулар қалтасына сақталады.

Басына оралу